袁太廚房
2019年5月27日 星期一
家鄉煎薄罉
又黎酒樓點心食譜 , 前陣子見到其他Blogger上傳既薄罉食譜 , 令袁太又心思思想整埋一份 , 開百寶箱又見到有韭菜同火腿的蹤影 , 個刻我決定都要整番碟薄罉食下 , 唔知大家去酒樓嘆茶的時候 , 多唔多會叫薄罉呢 ......
其實煎薄罉係非常普遍的一道中式點心 , 以往同爹地媽咪去飲茶必然會叫 , 點解 ??? 皆因媽咪非常喜愛吃 , 不過現在好少酒樓會做得好味 , 唔係太多粉就係油淋淋 , D油多到可以盛起再另外炒碟餸都得 , 真係好誇張
不過袁太廚房的百寶箱就只有火腿
, 有韭菜 , 仲有糯米粉同麵粉 , 唯獨係冇蝦米 , 不過發現有蝦皮 , 咁就用蝦皮代替蝦米 , 蝦皮本身比較鹹 , 所以粉漿就唔需要再落鹽
, 如果大家係用比較淡味的蝦米或其他材料 , 就要加少少鹽調味喇 , 自己在家動手做 , 絕對唔複雜唔難 , 記得媽咪講過 ,
對薄罉的要求一定要夠薄身 , 而且大家都會爭邊邊位黎食 , 因為邊邊位煎得夠脆 , 係整塊薄罉最好味的地方
至於製作方面係絕對超簡單 , 將粉類同水拌勻成粉漿 , 再洗下材料切碎佢
, 再加入粉漿內拌勻就可以攞去煎 , 煎至兩面薄身脆脆微黃色 , 唔駛30分鐘已經有得食 , 不過大家謹記千萬唔好落太多油去煎 ,
事關好鬼吸油 , 如果落得太多油 , 煎出來就會油淋淋 , 好難吃 , 所以袁太每煎一塊都係落約1茶匙油咁上下 , 咁煎出來就會好乾身好鬼脆 ,
仲好味過酒樓呢 ^^
材料 : 糯米粉 , 麵粉 , 火腿 , 韮菜 , 蝦皮(預先浸水10分鐘 , 浸蝦皮水留用 , 蝦皮用白鑊炒乾身) , 浸蝦皮水 , 水 , 白芝麻(預先用白鑊炒香) , 胡椒粉 , 隔篩 , 美的早餐機(MZ-DSY18A)
韮菜切碎 , 火腿切細片 , 韭菜用水沖洗乾淨及瀝乾 , 糯米粉及麵粉放入大碗內 , 加入蝦皮水及200ml水拌勻至粉漿 , 再用隔篩將粉漿篩兩次除粉粒備用
逐一將韮菜 , 火腿 , 蝦皮放入粉漿內 , 再加入少許胡椒粉調味拌勻靜待10分鐘 , 10分鐘後再加入白芝麻拌勻 , 落少許油入美的早餐機的煎pan內 , 按<煎餅>功能燒熱 , 倒入適量粉漿慢慢煎至一面微黃色不黏底 , 才反轉另一面 , 用鑊鏟壓一壓粉漿(令粉漿可以薄身d , 煎出來脆口d) , 繼續慢慢煎 , 煎至兩面微黃或金黃色 , 盛起切件即可
材料
糯米粉1/2杯 , 麵粉1 1/2杯 , 火腿2片 , 韮菜$5 , 蝦皮(預先浸水10分鐘 , 浸蝦皮水留用 , 蝦皮用白鑊炒乾身) , 浸蝦皮水50ml , 水200ml , 白芝麻(預先用白鑊炒香) , 胡椒粉 , 隔篩 , 美的早餐機(MZ-DSY18A)
做法
1. 韮菜切碎 , 火腿切細片 , 韭菜用水沖洗乾淨及瀝乾
2. 糯米粉及麵粉放入大碗內 , 加入蝦皮水及200ml水拌勻至粉漿
3. 再用隔篩將粉漿篩兩次除粉粒備用
4. 逐一將韮菜 , 火腿 , 蝦皮放入粉漿內 , 再加入少許胡椒粉調味拌勻靜待10分鐘
5. 10分鐘後再加入白芝麻拌勻
6. 落少許油入美的早餐機的煎pan內 , 按<煎餅>功能燒熱
7. 倒入適量粉漿慢慢煎至一面微黃色不黏底
8. 才反轉另一面 , 用鑊鏟壓一壓粉漿(令粉漿可以薄身d , 煎出來脆口d) , 繼續慢慢煎
9. 煎至兩面微黃或金黃色 , 盛起切件即可
今次煎得夠薄 , 邊邊位又夠脆 , 令我食完一件又一件 , 另外燉左冬菇粟米肉片蛋花粥配薄罉做早點呢 ^^
於
5月 27, 2019
以電子郵件傳送這篇文章BlogThis！分享至 X分享至 Facebook分享到 Pinterest
標籤：
中式點心專門店,
早餐系列,
粥♥粉♥麵♥飯
15 則留言:
Mary Lau2019年5月27日 晚上7:46好耐無食薄撐，對上一次響酒樓食，唔油亦好好味嘅，但差唔多$50一塊，都幾貴!都係響屋企整好!
回覆刪除回覆袁太廚房2019年6月4日 中午12:1450蚊一塊太貴囉
刪除回覆回覆回覆EE Chan2019年5月27日 晚上11:25咁多料，一定好食啦。
回覆刪除回覆袁太廚房2019年6月4日 中午12:14加左蝦皮香好多
刪除回覆回覆回覆KwannMickey2019年5月28日 凌晨2:26自家製, 少油版健康D😍
回覆刪除回覆袁太廚房2019年6月4日 中午12:15出面個d太油喇
刪除回覆回覆回覆samwei 英國的生活都可以好港式2019年5月28日 凌晨4:15明白，要加糯米粉！口感煙靭D。
回覆刪除回覆袁太廚房2019年6月4日 中午12:16係呀，唔可以冇糯米粉架
刪除回覆回覆回覆艾華斯2019年5月28日 上午10:07我有時見到其他Blogger整某D嘢食，都會想整下呢~你哩個煎得好薄好脆呀^^
回覆刪除回覆袁太廚房2019年6月4日 中午12:16我都係架，有時見其他blogger整d野好吸引，都心思思想整
刪除回覆回覆回覆黃師奶廚藝小百科2019年5月28日 下午6:07薄罉 ~!有時去飲茶會點黎食呢~!
回覆刪除回覆袁太廚房2019年6月4日 中午12:17我以前都會，不過而家就好少喇，寧願自己整
刪除回覆回覆回覆Yuki Chan2019年6月4日 上午11:18我都好久冇食薄罉，好懷念個味道
回覆刪除回覆袁太廚房2019年6月4日 中午12:18咁一向愛唔愛吃？
刪除回覆回覆回覆Cherry Ho2019年8月29日 晚上8:30呢個正喎
回覆刪除回覆回覆新增留言載入更多…
較新的文章
較舊的文章
首頁
訂閱：
張貼留言 (Atom)
老行家官燕蘋果玫瑰果醬食譜 ~蘋果果醬麵包卷~
繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......
椰汁芋蓉芋圓西米露
袁太平時行街市 , 都會周圍留意下有冇平野 , 靚野賣 , 有就會買定回家做存貨 , 不過有時買左放雪櫃又唔記得 , 直至數天後才發現雪櫃原來還有芋頭 , 一於清埋佢 , 用來炆豬肉好唔好呢 ??? 不過後來變左煮糖水 ......
蠔仔煎蛋
袁生最近心情好番好多 , 平伏好多 但有時都冇咩胃口食飯 可能在家食飯仍然勾起唔少同豬豬的快樂回憶 所以呢幾日盡量用袁生喜愛的材料煮晚餐 希望可以快快振作起來 ......
[燒鴨骨湯底] 雪菜火鴨絲窩米
燒鴨呢樣食物我家袁生好鬼鐘意 , 喜愛的程度絕對可以話完全進入瘋狂狀態 , 無論燒鴨用來炒 , 用來煲粥或者炆米都無任歡迎 , 多多佢都食得落 , 之但係如果用來煮米粉的話 , 我會比較喜愛窩米 ......